vum Jan-Hendrik Herrmann | 28/6/2017
Groove im Chor, Stimmbildung a Klangfarben waren déi dräi Themen vun de Workshoppen, déi den däitsche Museker Jan-Hendrik Herrmann ugebueden huet. Genee dat Richtegt fir VoicEmotion…
Emotiounen eriwwerbréngen, mat der Stemm experimentéieren, Rhytmus an och mol, wann et muss sinn, Courage fir „hässliche Klänge und Schärfe“ hunn, dat stoung e ganzen Dag um Programm. Et war e spannend a flott Erliefnis zu Iernster, dat VoicEmotion voll begeeschtert huet.
De Jan-Hendrik Herrmann, gebuer 1985, huet op der Hochschule für Musik und Tanz zu Köln studéiert. Hien ass ganz villsäiteg aktiv, ass Chorleiter, Stimmbildner a Vocalchoach, sengt och selwer a verschiddenen Ensemblen a leet, enner anerem, den Jazzchouer vun der Universitéit Bonn.
